वारणा एक्स्प्रेस न्युज

"आठवड्यातील एक दिवस... त्या दिवसातील एक तास... फक्त आपल्या गावासाठी!  "गाव बदलायचं असेल तर आधी विचार बदलावा लागतो; आणि विचार बदलायचा असेल तर सुरुवात स्वतःपासून करावी लागते." आपण नेहमी म्हणतो, "आपलं गाव खूप मागे आहे... गावात काहीच होत नाही... लोक एकत्र येत नाहीत... राजकारणामुळे विकास खुंटला आहे." पण हा प्रश्न विचारण्याची वेळ आली आहे की, हे गाव नक्की कोणाचं आहे? गावाच्या विकासाची जबाबदारी फक्त ग्रामपंचायत, सरपंच किंवा एखाद्या नेत्याची आहे का? की ती प्रत्येक गावकऱ्याची आहे? आज आपल्या गावात मतभेद आहेत, राजकीय गट आहेत, वेगवेगळे विचार आहेत. ते असणारच. पण गावाचा विकास कोणत्याही पक्षाचा नसतो; तो संपूर्ण गावाचा असतो. निवडणुका पाच वर्षांनी येतात, पण गावात आपण रोज एकमेकांना भेटतो. म्हणून राजकारण बाजूला ठेवून समाजकारणासाठी एक पाऊल टाकण्याची वेळ आता आली आहे. म्हणूनच आपण एक छोटासा पण मोठा संकल्प करूया... "आठवड्यातील एक दिवस... त्या दिवसातील एक तास... फक्त आपल्या गावासाठी!" फक्त एक तास! आठवड्याचे १६८ तास असतात. त्यापैकी केवळ एक तास आपण आपल्या गावाला दि...

**मातीचा सिंह... महाराष्ट्राच्या कुस्तीविश्वाचा अभिमान! त्रिवार महाराष्ट्र केसरी पैलवान नरसिंह यादव यांना वाढदिवसानिमित्त मानाचा मुजरा** मनोजकुमार मस्के, मांगरूळ  काही माणसं केवळ स्पर्धा जिंकत नाहीत, तर ती इतिहास घडवतात. काही खेळाडू पदकं मिळवतात, तर काही आपल्या कर्तृत्वाने संपूर्ण पिढीला प्रेरणा देतात. महाराष्ट्राच्या कुस्तीविश्वात असेच एक तेजस्वी, पराक्रमी आणि अढळ व्यक्तिमत्त्व म्हणजे त्रिवार महाराष्ट्र केसरी पैलवान नरसिंह यादव. महाराष्ट्राच्या लाल मातीतून घडलेला हा तुफानी मल्ल केवळ ताकदीचा नव्हे, तर जिद्द, संयम, मेहनत आणि देशभक्तीचा जिवंत आदर्श आहे. घामाच्या प्रत्येक थेंबातून त्यांनी यशाचा नवा इतिहास लिहिला. अपार मेहनत, कठोर सराव आणि विजयाची अखंड जिद्द यांच्या बळावर त्यांनी महाराष्ट्र केसरी स्पर्धेच्या इतिहासात सलग २०११, २०१२ आणि २०१३ अशी तीन वेळा महाराष्ट्र केसरीचा किताब पटकावून "त्रिवार महाराष्ट्र केसरी" होण्याचा पहिला ऐतिहासिक मान मिळवला. हा विक्रम आजही महाराष्ट्राच्या कुस्ती इतिहासात सुवर्णाक्षरांनी कोरलेला आहे. मात्र नरसिंह यादव यांची ओळख केवळ महाराष्ट्रापु...