"*सहकार्याचा एक सहवास – तुमच्यामुळेच हे शक्य झालं*..."

"*सहकार्याचा एक सहवास – तुमच्यामुळेच हे शक्य झालं*..."

२००६ साली सुरू झालेला नवरात्रीच्या फराळ वाटपाचा उपक्रम – सुरुवातीला केवळ एक छोटा प्रयत्न वाटला होता. पण आज, जवळपास दोन दशके पूर्ण होत आली, आणि जेव्हा मागे वळून पाहतो, तेव्हा लक्षात येतं की ही यशोगाथा केवळ एखाद्या व्यक्तीची नाही, तर संपूर्ण मांगरूळ गावाच्या एकतेची, सहकार्याची आणि सेवाभावी वृत्तीची आहे.

आज या उपक्रमामागे उभे आहेत – गावातील समर्पित कार्यकर्ते, फराळ वाटप ग्रुपमधील हरहुन्नरी मंडळी, आणि वर्षानुवर्षे मदतीचा हात पुढे करणारे देणगीदार. कुणी आर्थिक मदत दिली, कुणी वेळ आणि श्रम दिले, तर कुणी सामान पुरवून या कार्यक्रमात आपली भूमिका बजावली. पण सर्वांचं एकच ध्येय होतं – नवरात्रीच्या पवित्र उत्सवात सर्वांना सामावून घेणं आणि स्त्रीशक्तीचा सन्मान करणं.

या उपक्रमाच्या प्रत्येक टप्प्यात गावाचा एकोपा दिसून आला. नवरात्रीच्या पहिल्या दिवसापासून अखेरच्या दिवसापर्यंत, कार्यकर्त्यांनी अपार उत्साहाने आणि मनापासून काम केलं. उपवास करणाऱ्या माता-भगिनी आणि पुरुषांसाठी फराळाचे आयोजन इतकं सुरळीत केलं गेलं की कुणालाही थकवा जाणवला नाही – उलट प्रत्येकजण ‘कधी मंदिरात पोहोचतोय’ अशा ओढीने उत्सवात सहभागी होत होता.

हळदी-कुंकवाचा कार्यक्रम, "दिंडी चालवली या गाण्यावर" पार पडलेला नृत्याविष्कार, ‘खेळ पैठणीचा’ यासारख्या महिलांसाठी खास उपक्रमांमध्ये सहभाग घेऊन सर्वांनी आनंद लुटला.
विशेषत: ‘खेळ पैठणीचा’ या कार्यक्रमाचे सुंदर आयोजन विजया माने यांनी केलं आणि त्यांच्या सोबत असलेल्या 
उषाताई भगवान मस्के ,*पैठणी*
विजया प्रदीप माने *मल्टी कढई*
शोभाताई रघुनाथ पाटील *नॉनस्टिक पॅन*
मनीषा दिलीप कुंभार  *टिफीन /dryfruit ताट*
शारदा मधुकर शिंदे *स्टीलचे डब्बे*
या महिलांनी वेळोवेळी सर्वांची साथ देत बक्षिसांची जबाबदारीही मनापासून पार पाडली. त्यांच्या योगदानामुळे या उपक्रमाला वेगळीच रंगत आली.

चिंचेश्वर देवाच्या भक्तीगीतांवर झालेलं सामूहिक नृत्य – हे केवळ एक सांस्कृतिक कार्यक्रम नव्हता, तर भक्तीभावाने न्हालेलं एक अविस्मरणीय अनुभव होतं. सर्व महिला आणि पुरुष अक्षरशः त्या भक्तिभावात नाहून गेले होते. गायक विजय शेनवी दादांचा सुमधुर आवाज हे या वातावरणात अजूनच रंग भरून गेला.

शेवटच्या दिवशी उपवास सोडण्यासाठी *विजय मस्के फौजी* यांनी सर्वांसाठी दही-धपाट्याचा महाप्रसाद दिला आणि त्यानंतर जुगाई देवीच्या डोंगराच्या दिशेने पालखी रवाना झाली. ही केवळ देवाच्या विवाहाची तयारी नव्हती, तर गावातील भक्ती, एकोपा आणि परंपरेचा गौरव होता.

या सर्व यशामागे आहेत देणगीदारांचे मोठे योगदान. त्यांनी सढळ हस्ते केलेली मदत केवळ आर्थिक नव्हती – ती त्यांच्या गावावर असलेल्या प्रेमाची आणि जबाबदारीची साक्ष होती. त्यांच्या या योगदानामुळेच मांगरूळ गावाचं नाव आज संपूर्ण तालुक्यात सन्मानाने घेतलं जातं.

*शेवटी एकच गोष्ट मनापासून सांगावीशी वाटते* –

"*तुमच्यामुळेच हे शक्य झालं*."

तुमच्या सहकार्यामुळे आम्हाला बळ मिळालं. ही नाती, ही आपुलकी, ही एकजूट – हेच आमचं खरं शक्तिस्थान आहे. मांगरूळ गावाच्या या प्रेरणादायी उपक्रमातून इतर गावांनीही बोध घ्यावा, अशीच अपेक्षा आहे.

*फराळ वाटप ग्रुप – मांगरूळ
"एकता, सेवा, आणि श्रद्धेचा संगम*"