वारणा एक्स्प्रेस न्युज

*_आगरकर  जीवन गौरव पुरस्कारने मधुकर भावे यांचा सोमवारी सन्मान करण्यात आला* ज्येष्ठ संपादक व राजकीय विश्लेषक  मधुकर भावे यांना ' सुधारककार गोपाळ गणेश आगरकर जीवनगौरव' पुरस्कार कराड येथील सद्गुरु गाडगे महाराज महाविद्यालयातील हॉलमध्ये महाराष्ट्राचे माजी मुख्यमंत्री पृथ्वीराज चव्हाण यांच्या हस्ते देण्यात आला. यावेळी सुधारककार गोपाळ गणेश आगरकर  राज्यस्तरीय पत्रकारिता पुरस्कार दैनिक लोकमतच्या सोलापूर आवृत्तीचे कार्यकारी संपादक सचिन जवळकोटे, साम टीव्ही च्या वरिष्ठ पत्रकार सोनाली शिंदे, दैनिक तरुण भारत च्या सातारा आवृत्तीचे प्रमुख दीपक प्रभावळकर, दैनिक सामनाचे जिल्हाप्रमुख गजानन चेणगे यांनां ही सन्मानीत करण्यात आले. कराड शहरातील पत्रकारांच्या इंद्रधनु विचार मंच फाउंडेशन च्या वतीने सदर पुरस्कार देण्यात आला होता. यावेळी प्रसिद्ध व्याख्याते प्रा. नितीन बानगुडे पाटील यांची प्रमुख उपस्थिती होती. टेंभू गावच्या लोकनियुक्त सरपंच सौ. रुपाली भोईटे अध्यक्षस्थानी होत्या . प्राचार्य मोहन राजमाने व उद्योजक रामकृष्ण वेताळ यांची प्रमुख उपस्थिती होती. 

आई सोडून गेली, आजी स्वर्गवासी  झाली ,बाप देवाघरी गेला, आता सांभाळी विठ्ठला ! माळेवाडी येथील अनाथ मुलांची  मदतीसाठी हाक..... मनोजकुमार मस्के:  दोन वर्षांपूर्वी आई घर सोडून पळून गेली. आईच्या माघारी बाप आणी आजी आईची माया देत होते. पण नियतीला ते मान्य नव्हते. या कुटुंबाला कुणाची दृष्ट लागली कुणास ठाऊक. ऑगस्ट मध्ये बापही हिरावून घेतला. आणी मायेचा हात तोंडावरून फिरविणारी आजी ही जग सोडून गेली. अगदी खेळण्या- बागडण्याच्या वयात त्या कोवळ्या लेकरांवर संसाराची धुरा सांभाळण्याची वेळ येऊन ठेपली. शेवटी आई पळून गेली, आजी देवाघरी गेली, बाप गेला, आता सांभाळी विठ्ठला... असे म्हणण्याची वेळ त्या चिमुकल्या भावा- बहिणींवर आली.  माळेवाडी ता. शिराळा येथील ही घटना मोठी मुलगी सुवर्णा चौदा वर्षांची, विद्या बारा वर्षांची, तर मुलगा प्रसाद आकरा वर्षांचा, अथर्व अवघ्या दहा वर्षांचा. चौघांच्याही वाट्याला अनाथाचं जगणं आलं.   दहा अकरा वर्षाची असतानाच आई-वडिलांची दररोज भांडणे होत असल्याने आई आम्हाला सोडून निघून गेली. त्यानंतर वडील आणि आजी आमचा चांगला संभाळ करत होते. परंतु थोडेच दिव...